മലപ്പുറം:ബൈക്കിൽ നിന്നും തെറിച്ച് വീണ് യുവതിക്ക് ദാരുണാന്ത്യം. മലപ്പുറത്താണ് സംഭവം. വണ്ടൂര്‍ വാണിയമ്പലം സ്വദേശിനി സിമി വര്‍ഷയാണ് മരിച്ചത്. 22 വയസ്സായിരുന്നു.
ഭർത്താവുമൊത്ത് ബൈക്കിൽ സഞ്ചരിക്കവെയാണ് അപകടം.അപകടത്തിൽ ഭർത്താവിന് പരിക്കേറ്റു. മഞ്ചേരി ഹോസ്പിറ്റലിലേക്ക് മാറ്റിയിരിക്കുകയാണ്. ചൊവ്വാഴ്ച ഉച്ചയ്ക്ക് 2.30ഓടെയാണ് അപകടമുണ്ടായത്.
തിരുവാലി സ്‌കൂളിന് സമീപത്തുള്ള വളവില്‍ വെച്ചാണ് അപകടമുണ്ടായത്. ബൈക്ക് മറ്റൊരു വാഹനത്തിനെ മറികടക്കവേ എതിർദിശയില്‍ വന്ന ബസിന്റെ സൈഡില്‍ തട്ടുകയായിരുന്നു.
പിന്നാലെ യുവതി ടയറിന് അടിയിലേക്ക് വീഴുകയായിരുന്നുവെന്ന് ദൃക്സാക്ഷികൾ പറഞ്ഞു. തിരുവാലി പോലീസ് കേസെടുത്ത് അന്വേക്ഷണം ആരംഭിച്ചിട്ടുണ്ട്.
