മൂന്നാർ :ഓടികൊണ്ടിരുന്ന കാർ ചവിട്ടി മറിച്ചിട്ട് കാട്ടാന. മൂന്നാറിലാണ് നടുക്കുന്ന സംഭവം. വിദേശ വിനോദ സഞ്ചാരികൾ സഞ്ചരിച്ചിരുന്ന ഇന്നോവ കാറാണ് കാട്ടാന മറിച്ചിട്ടത്.
മൂന്നാർ ദേവികുളം റോഡിൽ സിഗ്നൽ പോയിന്റിന് സമീപത്ത് വെച്ചാണ് സംഭവമുണ്ടായത്. പാഞ്ഞെത്തിയ കാട്ടാന വാഹനം തടഞ്ഞുനിർത്തി മറിച്ചിടുകയായിരുന്നു.
കാർ റോഡിൽ തലകീഴായി മറിഞ്ഞു.
തലനാരിഴയ്ക്കാണ് കാറിലുണ്ടായിരുന്ന സഞ്ചാരികൾ കാര്യമായ പരിക്കുകൾ ഇല്ലാതെ രക്ഷപ്പെട്ടത്. ആർ ആർ ടി സംഘമെത്തി കാട്ടാനയെ തുരത്തി. പ്രദേശത്ത് ഉണ്ടായിരുന്ന പശുവിനെയും കാട്ടാന ചവിട്ടി കൊന്നു.
