കൊച്ചി: യുവതിയെ പെട്രോളൊഴിച്ച് തീ കൊളുത്തി കൊലപ്പെടുത്താൻ ശ്രമിച്ച യുവാവ് അറസ്റ്റിൽ. ആലുവയിലാണ് സംഭവം. മുപ്പത്തടം സ്വദേശി അലിയെയാണ് പൊലീസ് അറസ്റ്റ് ചെയ്തത്.
ചൂണ്ടി സ്വദേശിനിയായ യുവതിയെയാണ് ഇയാൾ കൊല്ലാൻ ശ്രമിച്ചത്. രാവിലെ ആലുവ യുസി കോളജിന് സമീപം സ്നേഹ തീരം റോഡിവെച്ചാണ് സംഭവം.
ഇരുവരും കുടുംബ സുഹൃത്തുക്കളാണെന്നാണ് വിവരം.
പ്രതി സ്കൂട്ടറിൽ പോകുകയായിരുന്ന യുവതിയെ ബൈക്കിലെത്തി തടഞ്ഞു നിർത്തി. പിന്നാലെ ഇരുവരും തമ്മിൽ വാക്കുതര്‍ക്കമുണ്ടായി. തുടർന്ന് കയ്യിൽ കരുതിയ പെട്രോൾ യുവാവ് യുവതിയുടെ ദേഹത്ത് ഒഴിക്കുകയായിരുന്നു.
ഇതിനിടെ യുവതി ഓടി ഒരു വീട്ടിൽ അഭയം തേടി. ഇതോടെ പ്രതി ബൈക്കിൽ രക്ഷപ്പെടുകയായിരുന്നു.
യുവതി മൊബൈലിൽ ഇയാളെ ബ്ലോക്ക് ചെയ്തിരുന്നു.
കൂടാതെ ഇയാൾ വീട്ടിൽ വരുന്നതും യുവതി വിലക്കിയിരുന്നു. ഈ വൈരാഗ്യത്തിലാണ് കൊലപ്പെടുത്താൻ ശ്രമിച്ചതെന്ന് ഇയാൾ പൊലീസിനോട് പറഞ്ഞു.
Discussion about this post