തൃശൂര്‍: ഇലക്ട്രിക് സ്‌കൂട്ടറിന് പുറകില്‍ ലോറിയിടിച്ച് സ്‌കൂട്ടര്‍ യാത്രികനായ വയോധികന് മരിച്ചു. തൃശൂർ ജില്ലയിലെ ചാലക്കുടിയിലാണ് സംഭവം. പഴൂക്കര മാതിരപ്പിള്ളി ജോർജ് ആണ് മരിച്ചത്.
എഴുപത്തിമൂന്ന് വയസ്സായിരുന്നു. വെള്ളിയാഴ്ച പകല്‍ 10.30 ഓടെ റെയില്‍വേ സ്റ്റേഷന് മുന്നിലായിരുന്നു അപകടം സംഭവിച്ചത്. ചാലക്കുടിയിലേക്ക് വരികയായിരുന്ന ജോര്‍ജിന്റെ സ്‌കൂട്ടറിന് പുറകില്‍ ലോറി ഇടിക്കുകയായിരുന്നു.
കമ്പി കയറ്റി പാലക്കാട്ടേയ്ക്ക് പോവുകയായിരുന്നു ലോറി. ജോർജിനെയും സ്കൂട്ടറിനെയും 20 മീറ്ററോളം വലിച്ചിഴച്ച് കൊണ്ടുപോയി. ഗുരുതരമായി പരിക്കേറ്റ ജോർജ് സംഭവ സ്ഥലത്ത് വച്ച് തന്നെ മരിച്ചു.
Discussion about this post