തൃശൂര്‍: വാല്‍പ്പാറയ്ക്ക് സമീപം തമിഴ്‌നാട് ആര്‍ടിസിയും ബൈക്കും കൂട്ടിയിടിച്ച് ബൈക്ക് യാത്രക്കാരന് ദാരുണാന്ത്യം. തായ്മുടി സ്വദേശി സുദര്‍ശന്‍ (20) ആണ് മരിച്ചത്. കൂടെയുണ്ടായിരുന്ന സുഹൃത്ത് നവീനെ ഗുരുതരാവസ്ഥയില്‍ പൊള്ളാച്ചി സര്‍ക്കാര്‍ ആശുപത്രിയില്‍ പ്രവേശിപ്പിച്ചു.
തായ്മുടി എസ്റ്റേറ്റ് തൊഴിലാളികളായ അച്ഛനെയും അമ്മയെയും കണ്ട് സുദര്‍ശന്‍ ജോലിസ്ഥലത്തേക്ക് മടങ്ങവേയാണ് വാഹനാപകടം ഉണ്ടായത്. സുദര്‍ശനും സുഹൃത്തും സഞ്ചരിച്ചിരുന്ന ബൈക്കില്‍ തമിഴ്‌നാട് ആര്‍ടിസി ബസ് വന്നിടിക്കുകയായിരുന്നു. സുദര്‍ശന്‍ സംഭവ സ്ഥലത്തുവെച്ചു തന്നെ മരിച്ചു.
