ന്യൂഡല്ഹി: മുന് ഇന്ത്യന് പ്രധാനമന്ത്രിയും മുതിര്ന്ന കോണ്ഗ്രസ് നേതാവുമായ മന്മോഹന് സിങ് അന്തരിച്ചു. വാര്ധക്യ സഹജമായ അസുഖങ്ങളെ തുടര്ന്നായിരുന്നു അന്ത്യം. 92 വയസായിരുന്നു.
അദ്ദേഹം വ്യാഴാഴ്ച രാത്രിയോടെ ഡല്ഹിയിലെ വസതിയില് കുഴഞ്ഞു വീഴുകയായിരുന്നു. ഉടന് തന്നെ അദ്ദേഹത്തെ എയിംസിലെ തീവ്രപരിചരണ വിഭാഗത്തില് പ്രവേശിപ്പിച്ചെങ്കിലും മരണം സംഭവിക്കുകയായിരുന്നു.
ഭാര്യ: ഗുര്ശരണ് കൗര്. മക്കള്: ഉപിന്ദര് സിങ്, ദമന് സിങ്, അമൃത് സിങ്. 2004 മുതല് 2014 വരെയുള്ള യുപിഎ ഭരണകാലത്ത് തുടര്ച്ചയായ രണ്ട് തവണയാണ് മന്മോഹന്സിങ് ഇന്ത്യയുടെ പ്രധാനമന്ത്രി പദത്തിലേക്ക് എത്തിയത്.
പി വി നരസിംഹ റാവു ഗവണ്മെന്റിലെ ധനകാര്യമന്ത്രിയായിരുന്നു. ഇന്ത്യയില് ഉദാരവല്ക്കരണത്തിന്റെ ഉപജ്ഞാതാവായി വിശേഷിപ്പിക്കപ്പെടുന്ന മന്മോഹന് സിങ് പ്രമുഖ സാമ്പത്തിക ശാസ്ത്രജ്ഞന് കൂടിയാണ്.
റിസര്വ് ബാങ്ക് ഗവര്ണറായും രാജ്യാന്തര നാണ്യനിധിയുടെ ഇന്ത്യയിലെ ഡയറക്ടറായും ആസൂത്രണ കമ്മിഷന് ഉപാധ്യക്ഷനായും പ്രവര്ത്തിച്ചിട്ടുണ്ട്. 1987ല് രാജ്യം അദ്ദേഹത്തെ പത്മവിഭൂഷണ് നല്കി ആദരിച്ചിട്ടുണ്ട്.
Discussion about this post