തിരുവനന്തപുരം: വിദ്യാർഥിനിക്ക് ക്ലാസ് മുറിയിൽ വച്ച് പാമ്പുകടിയേറ്റു. തിരുവനന്തപുരം ജില്ലയിലെ നെയ്യാറ്റിൻകര ചെങ്കൽ യുപി സ്കൂളിലെ 7ാം ക്ലാസ് വിദ്യാർഥിനിക്കാണ് പാമ്പ് കടിയേറ്റത്.
ചെങ്കൽ, ജയൻ നിവാസിൽ ഷിബുവിന്റേയും ബീനയുടേയും മകൾ നേഹ (12)യ്ക്കാണ് പാമ്പുകടിയേറ്റത്. ഇന്ന് ഉച്ചയ്ക്ക് ആയിരുന്നു സംഭവം.
ക്ലാസ് മുറിയിൽ ക്രിസ്മസ് ആഘോഷം നടക്കുന്നതിനിടെയാണ് കുട്ടിക്ക് പാമ്പുകടിയേറ്റത്. കുട്ടിയുടെ വലതു കാൽ പാദത്തിലാണ് കടിയേറ്റത്.
പാമ്പുകടിയേറ്റ ഉടനെ കുട്ടി കുതറി മാറി. ഈ സമയം മറ്റു കുട്ടികളും അടുത്തുണ്ടായിരുന്നു. കുട്ടികൾ ബഹളം വച്ചതോടെ ഓടിയെത്തിയ സ്കൂൾ അധികൃതർ പാമ്പിനെ അടിച്ചു കൊന്നു. കുട്ടിയെ ഉടൻ ആശുപത്രിയിൽ പ്രവേശിപ്പിച്ചു.
Discussion about this post