ഇടുക്കി: ഇടുക്കി റിസോര്‍ട്ടിലെ ഇരട്ട കൊലപാതകവുമായി ബന്ധപ്പെട്ട് പ്രതിയെന്ന് സംശയിക്കുന്ന ബോബിനെ സഹായിച്ച ദമ്പതികള്‍ പോലീസ് കസ്റ്റഡിയില്‍. അതേസമയം ദമ്പതികളുടെ കൂടുതല്‍ വിവരങ്ങള്‍ പോലീസ് പുറത്തുവിട്ടിട്ടില്ല.
കൊല്ലപ്പെട്ട റിസോര്‍ട്ട് ഉടമ ജേക്കബ് വര്‍ഗ്ഗീസിന്റെ മോഷണം പോയ കാര്‍ മുരുക്കുംപടിയിലെ ഒരു പള്ളിയ്ക്ക് സമീപത്തുനിന്ന് കണ്ടെത്തി. അതേസമയം എസ്റ്റേറ്റില്‍ നിന്ന് 200 കിലോ ഏലം മോഷണം പോയിരുന്നു. ഇത് അടുത്തുള്ള കടയില്‍ വിറ്റതായും പോലീസിന് സൂചന ലഭിച്ചിട്ടുണ്ട്.
ജേക്കബ് വര്‍ഗ്ഗീസിനെ വെടിയേറ്റു മരിച്ച നിലയിലും മുത്തയ്യ വെട്ടേറ്റു മരിച്ച നിലയിലും കണ്ടെത്തുകയായിരുന്നു.