പാലക്കാട്: പരീക്ഷ കഴിഞ്ഞ് വീട്ടിലേക്ക് മടങ്ങുകയായിരുന്ന വിദ്യാര്ത്ഥികളുടെ ദേഹത്തേക്ക് ലോറി മറിഞ്ഞുണ്ടായ അപകടത്തില് നാലുമരണം. പാലക്കാട് കല്ലടിക്കോട് പനയമ്പാടത്താണ് ദാരുണസംഭവം.
കരിമ്പ ഹയര്സെക്കന്ഡറി സ്കൂളിലെ നാലു വിദ്യാര്ത്ഥിനികളാണ് മരിച്ചത്. എട്ടാം ക്ലാസ് വിദ്യാര്ത്ഥിനികളായ ഇര്ഫാന, മിത, റിദ, ആയിഷ എന്നിവരാണ് മരിച്ചത്. റോഡിന് വശത്തുകൂടി പോകുകയായിരുന്ന കുട്ടികള്ക്ക് മുകളിലേക്ക് നിയന്ത്രണം വിട്ടെത്തിയ ലോറി മറിയുകയായിരുന്നുവെന്ന് നാട്ടുകാര് പറയുന്നു.
കോഴിക്കോട്- പാലക്കാട് ദേശീയപാതയില് വൈകീട്ട് നാലുമണിക്കാണ് അപകടം ഉണ്ടായത്.അപകടത്തില് ഗുരുതരമായി പരിക്കേറ്റ വിദ്യാര്ത്ഥികളെ ഇസാഫ് ആശുപത്രിയിലേക്ക് എത്തിച്ചെങ്കിലും, അപ്പോഴേക്കും മരണം സംഭവിച്ചിരുന്നുവെന്ന് ആശുപത്രി അധികൃതര് അറിയിച്ചു.
മൂന്നു വിദ്യാര്ത്ഥിനികളുടെ മൃതദേഹം തച്ചമ്പാറ ഇസാഫ് ആശുപ്തരിയിലാണ്. മറ്റൊരു വിദ്യാര്ത്ഥിനിയുടെ മൃതദേഹം മണ്ണാര്ക്കാട് മദര് കെയര് ആശുപത്രിയിലുമാണുള്ളത്. മണ്ണാര്ക്കാട് ഭാഗത്തേക്ക് സിമന്റ് കയറ്റി പോകുകയായിരുന്ന ലോറിയാണ് അപകടത്തില്പ്പെട്ടത്.
അപകടത്തില് തലകീഴായി മറിഞ്ഞ ലോറി ക്രെയിന് ഉപയോഗിച്ച് ഏറെ നേരം പണിപ്പെട്ടാണ് ഉയര്ത്തിയത്. പരിക്കേറ്റ ലോറി ഡ്രൈവര് ആശുപത്രിയില് ചികിത്സയിലാണ്.
Discussion about this post