പാലക്കാട്: പാലക്കാട് ഉപതെരഞ്ഞെടുപ്പിൽ യുഡിഎഫ് സ്ഥാനാർഥി രാഹുൽ മാങ്കൂട്ടത്തിൽ വിജയാഹ്ലാദ പ്രകടനത്തിനിടെ കോൺഗ്രസ് നേതാവ് പിസി വിഷ്ണുനാഥ് കുഴഞ്ഞു വീണു.
വിഷ്ണുനാഥിൻ്റെ ആശുപത്രിയിലേക്ക് മാറ്റിയിരിക്കുകയാണ്.പാലക്കാട് നഗരത്തിൽ നടന്ന റോഡ് ഷോയ്ക്കിടെയാണ് സംഭവം.തുറന്ന ജീപ്പിൽ പ്രവർത്തകർക്കൊപ്പം വിജയം ആഘോഷിക്കുന്നതിനിടെയാണ് വിഷ്ണുനാഥിനു ദേഹാസ്വാസ്ഥ്യം അനുഭവപ്പെട്ടത്.
രാഹുൽ മാങ്കൂട്ടത്തിൽ, വികെ ശ്രീകണ്ഠൻ എംപി, സന്ദീപ് വാര്യർ, പികെ ഫിറോസ്, ഷാഫി പറമ്പിൽ തുടങ്ങിയവർ വിഷ്ണുനാഥിൻ്റെ ഒപ്പമുണ്ടായിരുന്നു.
പ്രവർത്തകരിൽ ഒരാളുടെ വാഹനത്തിൽ വിഷ്ണുനാഥിനെ ആശുപത്രിയിലേക്ക് മാറ്റി.
ജില്ലാ ആശുപത്രിയിലേക്കാണ് വിഷ്ണുനാഥിനെ എത്തിച്ചിരിക്കുന്നത്. ചികിത്സയിൽ തുടരുന്ന പിസി വിഷ്ണുനാഥിന്റെ ആരോഗ്യനില തൃപ്തികരമാണെന്നു നേതാക്കൾ വ്യക്തമാക്കി.
ഭക്ഷണം കഴിക്കാത്തതും കനത്ത ചൂടുകൊണ്ടും അവശനായി കുഴഞ്ഞു വീഴുകയായിരുന്നു. മറ്റ് പ്രശ്നങ്ങളില്ലെന്നും നേതാക്കൾ പറഞ്ഞു