മൂവാറ്റുപുഴ: മൂവാറ്റുപുഴയില്‍ മദ്യപിച്ചെത്തിയ ഭര്‍ത്താവ് ഭാര്യയെ കുത്തിക്കൊല്ലാന്‍ ശ്രമിച്ചു. പ്രതി മനോജ് കുഞ്ഞപ്പനെ മണിക്കൂറുകള്‍ക്കുള്ളില്‍ പോലീസ് പിടികൂടി. വാക്കുതര്‍ക്കത്തിനിടെ ഭാര്യ സ്മിതയെ (42) ഇയാള്‍ കത്തി കൊണ്ട് നെഞ്ചിലും കാലിലും കുത്തുകയായിരുന്നു.
ഗുരുതരമായി പരിക്കേറ്റ സ്മിതയെ പരിസരവാസികള്‍ ആദ്യം മൂവാറ്റുപുഴ ജനറല്‍ ആശുപത്രിയിലും തുടര്‍ന്ന് കോട്ടയം മെഡിക്കല്‍ കോളേജ് ആശുപത്രിയിലും പ്രവേശിപ്പിച്ചു. സംഭവത്തെ തുടര്‍ന്ന് സ്‌കൂട്ടറില്‍ സ്ഥലത്ത് നിന്ന് രക്ഷപ്പെട്ട മനോജ് കുഞ്ഞപ്പനെ തൊടുപുഴയില്‍ നിന്ന് മണിക്കൂറുകള്‍ക്കം പോലീസ് പിടികൂടുകയായിരുന്നു.
നേരത്തെയും ഭാര്യയെ അസഭ്യം പറഞ്ഞതിനും മര്‍ദിച്ചതിനും ഇയാള്‍ക്കെതിരെ കേസുണ്ടെന്ന് മൂവാറ്റുപുഴ പോലീസ് പറഞ്ഞു.