ആലപ്പുഴ: പ്രായപൂര്ത്തിയാകാത്ത വിദ്യാര്ത്ഥിനിയെ പീഡിപ്പിക്കാന് ശ്രമിച്ച കേസില് കായിക അധ്യാപകന് അറസ്റ്റില്. മാന്നാര് കുട്ടംപേരൂര് എസ് എന് സദനം വീട്ടില് എസ് സുരേഷ് കുമാറിനെ (കുമാര് 43) യാണ് പോക്സോ വകുപ്പ് പ്രകാരം മാന്നാര് പോലീസ് അറസ്റ്റ് ചെയ്തത്.
മാന്നാറിന്റെ സമീപ പ്രദേശങ്ങളിലുള്ള ചില സ്കൂളുകളില് താല്ക്കാലിക കായിക അധ്യാപകനായി ജോലിചെയ്ത് വരികയായിരുന്നു സുരേഷ് കുമാര്. സ്കൂളില് കുട്ടികള്ക്ക് കായിക പരിശീലനം നല്കുന്നതിനിടെയാണ് അധ്യാപകന് വിദ്യാര്ത്ഥിനിയോട് അപമര്യാദയായി പെരുമാറുകയും പീഡിപ്പിക്കാന് ശ്രമിക്കുകയും ചെയ്തത്.
വിദ്യാര്ത്ഥിനി സംഭവം വീട്ടിലറിയിച്ചതിനെ തുടര്ന്ന് രക്ഷകര്ത്താക്കള് മാന്നാര് പോലീസില് പരാതി നല്കി. പോലീസ് കേസെടുത്തതോടെ സുരേഷ് കുമാര് ഒളിവില് പോയി. ഒരാഴ്ചയായി പലയിടങ്ങളിലായി ഒളിവില് കഴിഞ്ഞു വന്നിരുന്ന പ്രതിയെ മാന്നാര് പോലീസ് ഇന്സ്പെക്ടര് എ അനീഷിന്റെ നേതൃത്വത്തില് നടത്തിയ അന്വേഷണത്തിനൊടുവിലാണ് പിടികൂടിയത്.
മാന്നാര് എസ് ഐ അഭിരാം സി എസ്, വനിത എ എസ് ഐ സ്വര്ണ്ണ രേഖ, സീനിയര് സിവില് പൊലീസ് ഓഫീസര് അജിത്ത് കുമാര്, സിവില് പൊലീസ് ഓഫീസര്മാരായ ഹരിപ്രസാദ്, വിഷ്ണു എന്നിവര് ചേര്ന്നാണ് സുരേഷിനെ പിടികൂടിയത്. പ്രതി ഇത്തരത്തില് പല വിദ്യാര്ത്ഥിനികള്ക്ക് നേരെയും പീഡന ശ്രമം നടത്തിയിട്ടുണ്ടെന്നും സംഭവത്തില് വിശദമായ അന്വേഷണം നടത്തിവരികയാണെന്നും പൊലീസ് പറഞ്ഞു.
Discussion about this post