പത്തനംതിട്ട: മണ്ഡല മകരവിളക്ക് സീസണ്‍ ആരംഭിച്ചത് മുതല്‍ ശബരിമലയില്‍ വന്‍ ഭക്തജനത്തിരക്കാണ് അനുഭവപ്പെടുന്നത്. മണിക്കൂറില്‍ ശരാശരി മൂവായിരത്തിലധികം അയ്യപ്പഭക്തരാണ് ദര്‍ശനം നടത്തുന്നത്.
വെള്ളിയാഴ്ച വൈകുന്നേരം അഞ്ച് മണിയോടെ ദര്‍ശനം ആരംഭിച്ചത് മുതല്‍ രാത്രി 12 മണിവരെ എത്തിയത് 28,814 പേരാണ്. ഇതുവരെ ഏതാണ്ട് 83,429 ഭക്തര്‍ ദര്‍ശനം നടത്തിയെന്നാണ് കണക്ക്.
ഇതില്‍ വെര്‍ച്വല്‍ ക്യൂവില്‍ ബുക്ക് ചെയ്ത് ദര്‍ശനത്തിന് എത്തിയവരുടെ എണ്ണം 39,038. സ്‌പോട്ട് ബുക്കിങ്ങിലൂടെയെത്തിയത് 4535. ബുക്ക് ചെയ്ത ദിവസത്തിലല്ലാതെ എത്തിയവര്‍ 11,042.15ന് രാത്രി 12 മുതല്‍ ശനിയാഴ്ച വൈകിട്ട് അഞ്ചുവരെ 54,615 ഭക്തര്‍ ദര്‍ശനം നടത്തി.