കൊല്ലം: മൂന്നരവയസുകാരിയെ ലൈംഗിക പീഡനത്തിനിരയാക്കിയെന്ന പരാതിയില്‍ കുട്ടിയുടെ പിതാവിന്റെ സഹോദരന്‍ അറസ്റ്റില്‍. കൊല്ലത്താണ് സംഭവം. ആറുമാസത്തിനിടെ കുട്ടിയെ പലതവണ പീഡനത്തിനിരയാക്കിയെന്ന് പരാതിയില്‍ പറയുന്നു.
ആറുമാസം മുന്‍പാണ് കുട്ടിയെ ആദ്യം പീഡനത്തിനിരയാക്കിയത്. മാതാപിതാക്കള്‍ വീട്ടിലില്ലാതിരുന്ന സമയത്തായിരുന്നു സംഭവം. ഇതിന് ശേഷം കുട്ടി ശാരീരിക അസ്വസ്ഥതകള്‍ പ്രകടിപ്പിച്ചിരുന്നു.
എന്നാല്‍ രക്ഷിതാക്കള്‍ അത് കാര്യമാക്കിയിരുന്നില്ല. പിന്നീടും പലതവണ ഇയാള്‍ കുഞ്ഞിനെ പീഡിപ്പിച്ചതായി പൊലീസ് പറയുന്നു. കഴിഞ്ഞദിവസം കുഞ്ഞിന് ശാരീരിക ബുദ്ധിമുട്ടുകള്‍ അനുഭവപ്പെട്ടതിനെത്തുടര്‍ന്ന് മാതാപിതാക്കള്‍ വിവരം ആശാ വര്‍ക്കറിനെ അറിയിക്കുകയായിരുന്നു.
തുടര്‍ന്ന് ആശാ വര്‍ക്കര്‍ കുട്ടിയോട് സംസാരിച്ചതില്‍ നിന്നാണ് പീഡനവിവരം പുറത്തറിയുന്നത്. പിന്നാലെ വാര്‍ഡ് മെമ്പറെയും ചൈല്‍ഡ് ലൈന്‍ പ്രവര്‍ത്തകരെയും വിവരമറിയിക്കുകയായിരുന്നു. കുളത്തൂപ്പുഴയില്‍ നിന്നാണ് പ്രതിയെ പൊലീസ് കസ്റ്റഡിയിലെടുത്തത്. ചോദ്യം ചെയ്യലില്‍ ഇയാള്‍ കുറ്റം സമ്മതിച്ചു.
Discussion about this post