മലപ്പുറം: ജീപ്പും ബൈക്കും കൂട്ടിയിടിച്ച് ബൈക്ക് യാത്രികനായ യുവാവിന് ദാരുണാന്ത്യം. മലപ്പുറം ജില്ലയിലെ നിലമ്പൂരിലെ തിരുവാലിയിലാണു സംഭവം.
ചുങ്കത്തറ സ്വദേശി ആദിൽ ആണ് മരിച്ചത്.
ഇരുപത്തിരണ്ട് വയസ്സായിരുന്നു. ഇൻഡസ്ടിയൽ ജോലിക്കാരനായ ആദിൽ രാവിലെ ജോലിക്ക് പോയതായിരുന്നു. എന്നാൽ വൈദ്യുതി തടസം കാരണം ജോലിയില്ലായിരുന്നു.
തുടർന്ന് വീട്ടിലേക്ക് തിരിച്ചു വരുന്നതിനിടെയായിരുന്നു അപകടം. തിരുവാലി റോഡിൽ വെച്ചാണ് അപകടമുണ്ടായത്. എതിരെ വരികയായിരുന്ന ജീപ്പുമായി ആദിലിന്‍റെ ബൈക്ക് കൂട്ടിയിടിക്കുകയായിരുന്നു.
ഗുരുതരമായി പരിക്കേറ്റ ആദിലിനെ നിലമ്പൂർ ജില്ലാ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. പോസ്റ്റുമോര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് വിട്ടു നല്‍കി. പിതാവ്: റഫീഖ്. മാതാവ്: ഷമീമ. സഹോദരങ്ങൾ: ദിൽഷ, അംന, സയാൽ, അഭാൻ.