പാലക്കാട്; എട്ടു വയസ്സുകാരി പാമ്പുകടിയേറ്റ് മരിച്ചു. പാലക്കാട് ജില്ലയിലെ കൊഴിഞ്ഞാമ്പാറയിലാണ് സംഭവം. വണ്ണാമട മൂലക്കട മുഹമ്മദ് ജുബീറലി – സബിയ ബീഗം ദമ്പതികളുടെ മകള്‍ അസ്ബിയ ഫാത്തിമ ആണ് മരിച്ചത്.
മുത്തശ്ശിക്കൊപ്പം ഉറങ്ങാന്‍ കിടന്നപ്പോഴായിരുന്നു പാമ്പ് കടിയേറ്റത്. ചൊവ്വാഴ്ച പുലര്‍ച്ചെ 1.30ന് വണ്ണാമട മൂലക്കടയിലാണ് സംഭവം. മുത്തശ്ശി റഹ്മത്തിനെയും പാമ്പ് കടിച്ചിരുന്നു.
നാട്ടുകാരും വീട്ടുകാരും ചേര്‍ന്ന് റഹ്മത്തിനെ ജില്ലാ ആശുപത്രിയില്‍ പ്രവേശിപ്പിച്ചിരുന്നു. മുത്തശ്ശി ചികിത്സയിൽ കഴിയുന്നതിനിടെ 2.30ന് അസ്ബിയ ഫാത്തിമ തളര്‍ന്നു വീഴുകയായിരുന്നു.
തുടര്‍ന്ന് നടത്തിയ പരിശോധനയിലാണ് കുട്ടിക്കും പാമ്പു കടിയേറ്റ വിവരം അറിയുന്നത്. ചികിത്സ നൽകിയെങ്കിലും കുട്ടിയുടെ ജീവൻ രക്ഷിക്കാനായില്ല.