ഷൊര്‍ണൂര്‍: ട്രെയിനിടിച്ച് നാലുപേര്‍ക്ക് ദാരുണാന്ത്യം. ഷൊര്‍ണൂരിലാണ് സംഭവം. തമിഴ്നാട് സ്വദേശികളായ ശുചീകരണ തൊഴിലാളികളാണ് മരിച്ചത്.
ലക്ഷ്മണ്‍, വള്ളി, റാണി, ലക്ഷ്മണന്‍ എന്നിവരാണ് മരിച്ചത്. നാലുപേരും റെയില്‍വേയിലെ കരാര്‍ ജോലിക്കാരാണ്. മാലിന്യം ശേഖരിക്കുന്നതിനിടെയായിരുന്നു ട്രെയിന്‍ ഇടിച്ചത്.
തിരുവനന്തപുരത്തേക്ക് പോകുകയായിരുന്ന കേരള എക്സ്പ്രസാണ് ശുചീകരണ തൊഴിലാളികളെ ഇടിച്ചത്. ട്രെയിന്‍ വരുന്നത് ഇവര്‍ ശ്രദ്ധിച്ചിരുന്നില്ല.
നാലുപേരും സംഭവ സ്ഥലത്തുവച്ചുതന്നെ മരിച്ചു. മൂന്നുപേരുടെ മൃതദേഹം കണ്ടെടത്തു. റെയില്‍വേ പൊലീസും അധികൃതരും സ്ഥലത്ത് എത്തി.