കൊല്ലം: ഓടിക്കൊണ്ടിരുന്ന കാറിന് തീ പിടിച്ചു.കൊല്ലം ജില്ലയിലെ രാമൻകുളങ്ങരയിലാണ് സംഭവം. മരുത്തടി കന്നിമേൽ ചേരി സ്വദേശി പ്രദീപ് കുമാറിന്റെ കാറിനാണ് തീപിടിച്ചത്.
സംഭവ സമയത്ത് പ്രദീപ് കുമാറും ഭാര്യയുമാണ് കാറിലുണ്ടായിരുന്നത്. കാറിന്റെ മുൻവശത്ത് നിന്നും പുക ഉയരുന്നത് കണ്ടയുടൻ ഇരുവരും പുറത്തിറങ്ങി രക്ഷപ്പെട്ടു.
പിന്നാലെ വാഹനം പൂർണമായും കത്തി നശിച്ചു.തലനാരിഴയ്ക്കാണ് ജീവൻ രക്ഷപ്പെട്ടത്. നാട്ടുകാർ വിവരം അറിയിച്ചതിനെ തുടർന്ന് സ്ഥലത്തെത്തിയ അഗ്നിശമന സേനയാണ് തീയണച്ചത്.