കൊല്ലം: മദ്യപൻ ഓടിച്ച സ്കൂട്ടർ ഇടിച്ച് അമ്മയ്ക്കും മകനും പരിക്ക്. കൊല്ലം ജില്ലയിലെ പെരുമ്പുഴയിലാണ്
സംഭവം. പത്തനംതിട്ട കലഞ്ഞൂർ സ്വദേശിനിയായ രാജി നോബിളിനും മകൻ ആൽവിനുമാണ് പരിക്കേറ്റത്.
പെരുമ്പുഴയിൽ വാടകയ്ക്ക് താമസിക്കുകയാണ് ഇവർ.
വ്യാഴാഴ്ച വൈകിട്ട് ആയിരുന്നു അപകടം. മദ്യപൻ ഓടിച്ച ബൈക്ക് ഇരുവരെയും ഇടിച്ചുവീഴ്തുകയായിരുന്നു.
അപകടത്തിന് പിന്നാലെ സ്കൂട്ടർ യാത്രികൻ സംഭവ സ്ഥലത്ത് നിന്ന് രക്ഷപ്പെട്ടു. പിന്നാലെ വന്ന കാറിൻ്റെ ഡാഷ് ക്യാമറയിൽ അപകട ദൃശ്യം പതിയുകയായിരുന്നു. അപകടത്തില്‍ പരിക്കേറ്റ രാജി നോബിളിനും മകൻ ആൽവിനെയും പെരുമ്പുഴയിലെ സ്വകാര്യ ആശുപത്രിയിൽ പ്രവേശിപ്പിച്ചു. രാജിയുടെ കാലിനും കൈയ്ക്കും പൊട്ടലുണ്ട്.