കൊച്ചി: ബസ്സും ടോറസ് ലോറിയും കൂട്ടിയിടിച്ചുണ്ടായ അപകടത്തില്‍ ബസ് യാത്രക്കാരിക്ക് ദാരുണാന്ത്യം. എറണാകുളം ജില്ലയിലെ കാക്കനാടാണ് സംഭവം. കുട്ടമശ്ശേരി സ്വദേശി നസീറയാണ് മരിച്ചത്.
അപകടത്തില്‍ 22 പേര്‍ക്ക് പരിക്കേറ്റു. കാക്കനാട് ജഡ്ജിമുക്കില്‍ ഇന്ന് രാവിലെ 7.30നായിരുന്നു അപകടം. പൂക്കാട്ടുപടിയില്‍ നിന്ന് ഫോര്‍ട്ട് കൊച്ചിയിലേക്ക് പോവുകയായിരുന്ന സുല്‍ത്താന്‍ ബസ്സാണ് ടോറസ് ലോറിയുമായി കൂട്ടിയിടിച്ചത്.
ബസിലേക്ക് ഇടിച്ച ടോറസിന് പുറകില്‍ മറ്റൊരു ടോറസ് ലോറിയും വന്നിടിച്ചു. സംഭവസമയത്ത് ബസ്സില്‍ സ്‌കൂള്‍ വിദ്യാര്‍ത്ഥികള്‍ അടക്കം 30 ല്‍ അധികം യാത്രക്കാരുണ്ടായിരുന്നു.
പരിക്കേറ്റ 14 പേരെ തൊട്ടടുത്ത ബിആന്‍ഡ്ബി ആശുപത്രിയിലാണ് പ്രവേശിപ്പിച്ചത്. മരിച്ച നസീറ മോഡല്‍ എഞ്ചിനീയറിംഗ് കോളേജിലെ ജീവനക്കാരിയാണ്.
നസീറ ജോലി സ്ഥലത്തേക്ക് പോകുമ്പോഴായിരുന്നു. ഇവിടെ ചികിത്സയിലുള്ള യാത്രക്കാരിയായ സ്ത്രീക്ക് തലയ്ക്ക് പരിക്കുണ്ട്. സണ്‍റൈസ് ആശുപത്രിയില്‍ ഏഴും മെഡിക്കല്‍ കോളേജില്‍ രണ്ട് പേരുമാണ് ചികിത്സയിലിലുള്ളത്. ഇതില്‍ ആരുടേയും പരിക്ക് ഗുരുതരമല്ല.
Discussion about this post