തൃശൂര്‍: കേന്ദ്ര മന്ത്രിയും നടനുമായ സുരേഷ് ഗോപി അപമാനിച്ചുവെന്ന് പരാതിയുമായി ബിജെപി നേതാവ് രംഗത്ത്. ചങ്ങനാശേരി നിയോജകമണ്ഡലം ജനറല്‍ സെക്രട്ടറി കണ്ണന്‍ പായിപ്പാടാണ് പരാതി നല്‍കിയത്.
പ്രധാനമന്ത്രിക്ക് നേരിട്ടാണ് സുരേഷ് ഗോപിക്കെതിരെ പരാതി നല്‍കിയിരിക്കുന്നത്. സുരേഷ് ഗോപി പാര്‍ട്ടി പ്രവര്‍ത്തകരെ അപമാനിച്ചെന്നാണ് കണ്ണന്‍ പായിപ്പാട് അയച്ച പരാതിയില്‍ പറയുന്നത്.
നിങ്ങളുടെ എംപിയല്ലെന്ന് പറഞ്ഞ് മെമ്മോറാണ്ടം നല്‍കാന്‍ വന്നവരെ അധിക്ഷേപിച്ചെന്നും പ്രവര്‍ത്തകരെ കളിയാക്കിയെന്നും ബിജെപിയെ അധിക്ഷേപിച്ചെന്നും പരാതിയില്‍ പറയുന്നു.
ഇത് ആവര്‍ത്തിക്കാതിരിക്കാന്‍ പ്രധാനമന്ത്രി ഇടപെടണമെന്നും കണ്ണന്‍ പായിപ്പാട് പരാതിയില്‍ വ്യക്തമാക്കുന്നു.