തിരുവനന്തപുരം: കണ്ണൂര് എഡിഎം നവീന് ബാബു സത്യസന്ധനായ ഉദ്യോഗസ്ഥനായിരുന്നുവെന്നും അദ്ദേഹത്തിനെതിരെ ഒരു പരാതിയിലും ലഭിച്ചിരുന്നില്ലെന്നും റവന്യൂ മന്ത്രി കെ രാജന്.
നവീന് ബാബുവിന്റെ മരണം വലിയ നഷ്ടവും ഏറെ ദുഖകരവുമാണ്. ദൗര്ഭാഗ്യകരമായ സംഭവമാണുണ്ടായത്. മരണത്തില് ഗൗരവകരമായ അന്വേഷണം നടത്തുമെന്നും മന്ത്രി വ്യക്തമാക്കി.
കളക്ടറുടെ റിപ്പോര്ട്ട് വേഗതയില് ലഭ്യമാക്കും. റവന്യൂ വകുപ്പിന് അദ്ദേഹത്തെക്കുറിച്ച് ഒരു പരാതിയും ലഭിച്ചിട്ടില്ല. അത് വ്യക്തിപരമായ എന്റെ ബോധ്യമാണ്. പൊതുപ്രവര്ത്തകര് ഇടപെടലുകളില് പക്വത കാണിക്കണമെന്നും യാത്രയയപ്പ് വേളയില് കണ്ണൂര് ജില്ലാ പഞ്ചായത്ത് പ്രസിഡന്റ് പിപി ദിവ്യ നടത്തിയ അഴിമതിയാരോപണത്തില് കെ രാജന് അഭിപ്രായപ്പെട്ടു.