മലപ്പുറം: പ്ലസ് ടു വിദ്യാര്‍ത്ഥിയെ കാണാതായതായി പരാതി. മലപ്പുറം ജില്ലയിലെ കാരത്തോടാണ് സംഭവം. കരുവാരക്കുണ്ട് നീലാഞ്ചേരി സ്വദേശി അനുവിന്ദിനെയാണ് കാണാതായത്.
ഇന്ന് രാവിലെ ആറ് മണിയോടെയാണ് കുട്ടിയെ കാണാതായത്. ഇന്ന് പൂജാഅവധിയായതിനാല്‍ അമ്മവീടായ കാരോത്തോട്ടിലേക്ക് കഴിഞ്ഞ ദിവസം വന്നതായിരുന്നു കുട്ടി.
ഇന്ന് രാവിലെ ഇവിടെ വച്ചാണ് കാണാതായത്. അനുവിന്ദിന്റെ മൊബൈല്‍ ഫോണ്‍ വീട്ടില്‍ത്തന്നെയുണ്ട്. കുട്ടിയുടെ ബന്ധുക്കളുടെ പരാതിയില്‍ കേസെടുത്ത് വേങ്ങര പൊലീസ് അന്വേഷണം ആരംഭിച്ചിട്ടുണ്ട്.
അനുവിന്ദ് എല്ലാ വിഷയത്തിനും എപ്ലസോടെയാണ് പത്താം ക്ലാസ് പാസ്സായത്. എന്നാല്‍ പ്ലസ് വണ്ണിലും പ്ലസ്ടൂവിലും അത്തരത്തിലൊരു റിസള്‍ട്ട് കിട്ടിയിരുന്നില്ല.
പഠനം ബുദ്ധിമുട്ടാണെന്ന കാര്യം സഹപാഠികളോടും മറ്റും പങ്കുവെച്ചതായാണ് വിവരം. മറ്റ് പ്രയാസങ്ങളൊന്നും തന്നെ കുട്ടിക്ക് ഇല്ലെന്നാണ് കുടുംബം പറയുന്നത്.
Discussion about this post