ന്യൂഡല്ഹി: ബലാത്സംഗക്കേസില് നടന് സിദ്ദിഖിന് സുപ്രീം കോടതി നല്കിയത് ഇടക്കാല ജാമ്യം. സിദ്ദിഖിന്റെ അറസ്റ്റ് തടഞ്ഞുകൊണ്ടുള്ള സുപ്രീം കോടതി വിധിയുടെ പകര്പ്പിലാണ് ഉത്തരവിലാണ് ഇക്കാര്യം വ്യക്തമാക്കിയിരിക്കുന്നത്. വൈകിട്ടോടെയാണ് വിധി പകര്പ്പ് പുറത്ത് വന്നത്.
മുന്കൂര് ജാമ്യപേക്ഷയില് തീരുമാനം എടുക്കും വരെ അറസ്റ്റുണ്ടായാല് ജാമ്യം നല്കണമെന്നാണ് സുപ്രീം കോടതിയുടെ ഉത്തരവിലുള്ളത്. അന്വേഷണവുമായി സഹകരിക്കാനും സിദ്ദിഖിന് കോടതി നിര്ദ്ദേശം നല്കി. പരാതി നല്കാന് കാലതാമസമുണ്ടായെന്ന വാദം കണക്കിലെടുത്ത കോടതി സംസ്ഥാനവും പരാതിക്കാരിയും എട്ട് വര്ഷമായി എന്ത് ചെയ്യുകയായിരുന്നുവെന്ന ചോദ്യവും ഉന്നയിച്ചു.