കൊച്ചി: ബലാത്സംഗകേസില് നടന് സിദ്ദിഖിനെതിരെ ലുക്ക് ഔട്ട് നോട്ടീസ് പുറത്തിറക്കി. സിദ്ദിഖിനായി വിമാനത്താവളങ്ങളില് ഉള്പ്പെടെ ലുക്ക് ഔട്ട് നോട്ടീസ് പുറത്തിറക്കി. അറസ്റ്റ് ചെയ്യാനുള്ള തയ്യാറെടുപ്പിലാണ് പ്രത്യേക അന്വേഷണ സംഘം.
നടന് വിദേശത്തേക്ക് കടക്കാതിരിക്കാനാണ് നീക്കം. സിദ്ദിഖിനെ അറസ്റ്റ് ചെയ്യുന്നതില് തടസമൊന്നുമില്ലെന്നും പോലീസ് അറിയിച്ചു. പോലീസ് ഉദ്യോ?ഗസ്ഥര് തിരുവനന്തപുരത്തു നിന്നും കൊച്ചിയിലേക്ക് പോകും. അതേ സമയം സിദ്ദിഖിന്റെ എല്ലാ നമ്പറുകളും സ്വിച്ച് ഓഫ് ചെയ്തിരിക്കുകയാണ്.
സിദ്ദിഖിന്റെ മുന്കൂര് ജാമ്യാപേക്ഷ ഹൈക്കോടതി തള്ളിയിരുന്നു. തിരുവനന്തപുരം മ്യൂസിയം പോലീസ് രജിസ്റ്റര് ചെയ്ത കേസില് നല്കിയ മുന്കൂര് ജാമ്യപേക്ഷയാണ് ഹൈക്കോടതി തള്ളിയത്.