തിരുവനന്തപുരം: ഡ്രൈവിംഗ് പഠനത്തിനിടെ 18 വയസുകാരിയെ ഉപദ്രവിച്ച പരിശീലകന്‍ അറസ്റ്റില്‍. തിരുവനന്തപുരം ജില്ലയിലെ മാറനല്ലൂരിലാണ് സംഭവം. മാറനല്ലൂര്‍ സ്വദേശി സുരേഷിനെയാണ് പൊലീസ് അറസ്റ്റ് ചെയ്തത്.
ബുധനാഴ്ച രാവിലെ പത്തരയോടെയായിരുന്നു സംഭവം. ഡ്രൈവിംഗ് പരീശീലനത്തിനിടെ മാറനെല്ലൂര്‍ വണ്ടന്നൂര്‍ ഭാഗത്ത് വെച്ചാണ് ഇയാള്‍ പെണ്‍കുട്ടിയോട് അപമര്യാദയായി പെരുമാറിയത്. പെണ്‍കുട്ടി ഇത് ചോദ്യം ചെയ്തതോടെ ഇയാള്‍ പെണ്‍കുട്ടിയെ ലൈംഗികമായി ഉപദ്രവിച്ചു. തുടര്‍ന്ന് പെണ്‍കുട്ടി ബഹളം വക്കുകയായിരുന്നു.
ഇതോടെ നാട്ടുകാര്‍ ഓടിക്കൂടി സുരേഷിനെ പിടികൂടി. പൊലീസിന് കൈമാറുകയായിരുന്നു. ഇരയുടെ പരാതിയുടെ അടിസ്ഥാനത്തില്‍ മാറനെല്ലൂര്‍ പൊലീസ് കേസെടുത്തു. സുരേഷ് നാല് മാസം മുന്‍പാണ് ഇവിടെ പരിശീലകനായി എത്തിയത്.