കൊച്ചി: എറണാകുളത്ത് ദേശീയപാതയില്‍ ആലുവ ഗ്യാരേജിന് സമീപം വാഹനാപകടത്തില്‍ അമ്പത്തിയഞ്ചുകാരന്‍ മരിച്ചു. ആലുവ സ്വകാര്യ ബസ്സ്റ്റാന്റിന് സമീപം പ്രിന്റ് സോണ്‍ എന്ന അച്ചടി ശാല നടത്തുന്ന തായിക്കാട്ടുകര തേയ്ക്കാനത്ത് ജോയ് ജോസഫാണ് മരിച്ചത്.
രാവിലെ പള്ളിയിലേക്ക് പോകുന്നതിനിടെ ജോയ് സഞ്ചരിച്ചിരുന്ന സ്‌കൂട്ടറും ടൂറിസ്റ്റ് ബസും തമ്മില്‍ കൂട്ടിയിടിക്കുകയായിരുന്നു. ജോയ് സംഭവ സ്ഥലത്തുവെച്ചു തന്നെ മരിച്ചു. മൃതദേഹം ആശുപത്രിയിലേക്ക് മാറ്റി. പോസ്റ്റുമോര്‍ട്ടത്തിന് ശേഷം കുടുംബത്തിന് വിട്ടുനല്‍കും.