കണ്ണൂര്‍: ഓണം സ്‌പെഷ്യല്‍ ഡ്രൈവിന്റെ ഭാഗമായി നടത്തിയ പരിശോധനയില്‍ 1.18 കിലോഗ്രാം കഞ്ചാവുമായി തലശ്ശേരിയില്‍ യുവതി പിടിയില്‍. തലശ്ശേരി ടി സി റോഡിനടുത്ത് കുടുംബസമേതം വാടകയ്ക്ക് താമസിക്കുന്ന പശ്ചിമ ബംഗാള്‍ സ്വദേശിനി ജോഖില ഖാട്ടൂണ്‍ (24 ) ആണ് അറസ്റ്റിലായത്.
കൂത്തുപറമ്പ് എക്സൈസ് സര്‍ക്കിള്‍ ഇന്‍സ്പെക്ടര്‍ വിജേഷ് എ കെയുടെ നേതൃത്വത്തില്‍ നടത്തിയ പരിശോധനയിലാണ് യുവതി പിടിയിലാകുന്നത്. എക്സൈസ് കമ്മീഷണര്‍ സ്‌ക്വാഡ് അംഗം സിവില്‍ എക്സൈസ് ഓഫീസര്‍ ഗണേഷ് ബാബു പി വി നല്‍കിയ വിവരം അനുസരിച്ചായിരുന്നു പരിശോധന.
റെയ്ഡില്‍ അസിസ്റ്റന്റ് എക്സൈസ് ഇന്‍സ്പെക്ടര്‍ (ഗ്രേഡ്) പ്രമോദന്‍.പി, പ്രിവന്റീവ് ഓഫീസര്‍(ഗ്രേഡ്) മാരായ സതീഷ് വെള്ളുവക്കണ്ടി, പ്രജീഷ് കോട്ടായി, സിവില്‍ എക്സൈസ് ഓഫീസര്‍ ഡ്രൈവര്‍ സജീവ്.കെ കെ, തലശ്ശേരി എക്സൈസ് റേഞ്ചിലെ അസിസ്റ്റന്റ് എക്സൈസ് ഇന്‍സ്പെക്ടര്‍ സുധീര്‍ വി, സിവില്‍ എക്സൈസ് ഓഫീസര്‍ പ്രസൂണ്‍, വനിതാ സിവില്‍ എക്സൈസ് ഓഫീസര്‍മാരായ ഐശ്വര്യ.പി.പി, ബീന.എം, സിവില്‍ എക്സൈസ് ഓഫീസര്‍ ഡ്രൈവര്‍ ബിനീഷ് എന്നിവരും പങ്കെടുത്തു.
Discussion about this post