കൊച്ചി: മാവോയിസ്റ്റ് നേതാവ് സി പി മൊയ്തീനെ പോലീസ് അറസ്റ്റ് ചെയ്തു. കണ്ണൂരിലെ അമ്പായത്തോട് ജങ്ഷനില്‍ മൊയ്തീന്‍ ഉള്‍പ്പെടെ നാലു പ്രതികള്‍ തോക്കുമായി വന്ന് നിരോധിത സംഘടനയുടെ പ്രവര്‍ത്തനം നടത്തിയ കേസിലാണ് അറസ്റ്റ്.
മൊയ്തീന്‍ ആലപ്പുഴ ജില്ലയിലെ മാരാരിക്കുളത്തു നിന്നാണ് അറസ്റ്റിലാകുന്നത്. കൊല്ലത്തുനിന്ന് തൃശ്ശൂരിലേയ്ക്ക് കെഎസ്ആര്‍ടിസി ബസില്‍ യാത്ര ചെയ്യുന്നുണ്ടെന്നു രഹസ്യ വിവരം ലഭിച്ചതിന്റെ അടിസ്ഥാനത്തിലാണ് അറസ്റ്റ്.
പശ്ചിമഘട്ട പ്രത്യേക കമ്മിറ്റി അംഗമായ മൊതീന്‍ നിലവില്‍ കേരളത്തിന്റെ ചുമതലയുള്ള മാവോയിസ്റ്റ് നേതാവാണ്.