വയനാട്: ഉരുള്പ്പൊട്ടലില് കാണാതായവരില് ഒരാളുടെ മൃതദേഹം കൂടി കണ്ടെത്തി. മലപ്പുറം ചാലിയാര് പുഴയുടെ ഭാഗമായ ചുങ്കത്തറ കൈപ്പിനിയില് നിന്നാണ് ഒരു സ്ത്രീയുടെ മൃതദേഹം കണ്ടെത്തിയത്.
പോത്തുകല് ഭാഗത്ത് നിന്നും ആറ് കിലോമീറ്റര് അകലെയുളള പ്രദേശമാണിത്. പുഴയുടെ തീരത്ത് രണ്ട് കൂറ്റന് കല്ലുകള്ക്കിടയില് കമിഴ്ന്ന് കിടക്കുന്ന നിലയിലായിരുന്നു മൃതദേഹം. പരിസരവാസികള് അറിയിച്ചതനുസരിച്ച് പോലീസെത്തി മൃതദേഹം ജില്ലാ ആശുപത്രിയിലേക്ക് മാറ്റി.
അതേസമയം, ദുരന്തത്തില് മരിച്ചവരുടെ എണ്ണം 292 ആയി ഉയര്ന്നു. 105 മൃതദേഹങ്ങള് നടപടിക്രമങ്ങള് പൂര്ത്തിയാക്കി ബന്ധുക്കള്ക്ക് വിട്ടുനല്കി. 240 പേരെ ഇനിയും കണ്ടെത്താനുണ്ടെന്നാണ് വിവരം. 1700 പേര് ദുരിതാശ്വാസ ക്യാമ്പുകളില് കഴിയുകയാണ്.