കല്പ്പറ്റ: വയനാട്ടിലെ ഉരുള്പൊട്ടല് ദുരന്തത്തില് ഇതുവരെ സ്ഥിരീകരിച്ചത് 291 മരണം. 240 പേരെ ഇനിയും കണ്ടെത്താനുണ്ടെന്നാണ് വിവരം. 1700 പേര് ദുരിതാശ്വാസ ക്യാമ്പുകളില് കഴിയുകയാണ്.
ഇന്നലെ നടത്തിയ തെരച്ചിലില് 40 മൃതദേഹങ്ങളാണ് കണ്ടെത്തിയത്. ഇന്ന് ദുരന്ത മേഖലയില് തെരച്ചില് കൂടുതല് ഊര്ജിതമാക്കും. ആറ് സോണുകളായി തിരിച്ചാണ് പരിശോധന.
ബെയ്ലി പാലത്തിലൂടെ യന്ത്രങ്ങളും ആംബുലന്സുകളും എത്തിക്കും. ചാലിയാര് പുഴയുടെ 40 കിലോമീറ്റര് പരിധിയിലും തെരച്ചില് നടക്കും.