തിരുവനന്തപുരം: വയനാട്ടിലെ ഉരുള്പൊട്ടല് ദുരന്ത മേഖലയില് ശാസ്ത്രജ്ഞര്ക്ക് വിലക്ക്. സംസ്ഥാനത്തെ ഒരു ശാസ്ത്ര സാങ്കേതിക സ്ഥാപനവും ദുരന്തമേഖലയായി പ്രഖ്യാപിച്ച മേപ്പാടി പഞ്ചായത്തിലേക്ക് പഠനത്തിനോ സന്ദര്ശനത്തിനോ പോകരുത് എന്നാണ് നിര്ദ്ദേശം.
സംസ്ഥാന ദുരന്ത നിവാരണ അതോറിറ്റിയാണ് ഇതുസംബന്ധിച്ച് ഉത്തരവിട്ടത്. വയനാട്ടിലെ മേപ്പാടി പഞ്ചായത്ത് ദുരന്ത ബാധിത മേഖലയായി പ്രഖ്യാപിച്ച സാഹചര്യത്തിലാണ് ഇത്തരമൊരു നിര്ദേശമെന്നാണ് ഉത്തരവിലുള്ളത്. അതുപോലെ ശാസ്ത്രജ്ഞരും ശാസ്ത്ര സാങ്കേതിക മേഖലയിലെ വിദഗ്ധരും മാധ്യമങ്ങളോട് അഭിപ്രായം പങ്കുവെക്കുകയോ മുന്പഠനങ്ങളുടെ വിവരങ്ങള് നല്കുകയോ ചെയ്യരുതെന്നും ഉത്തരവിലുണ്ട്.