കല്പ്പറ്റ: വയനാട്ടിലെ ഉരുള്പൊട്ടലില് മരിച്ചവരുടെ എണ്ണം 119 ആയി. ദുരന്തമുഖത്ത് രക്ഷാപ്രവര്ത്തനം പുരോഗമിക്കുകയാണ്. താത്കാലിക പാലം നിര്മ്മിച്ച് സൈന്യം മുണ്ടക്കൈയില് കുടുങ്ങിയവരെ രക്ഷിക്കാനുള്ള ശ്രമം തുടരുകയാണ്.
അതേസമയം, 51 പേരുടെ പോസ്റ്റ്മോര്ട്ട നടപടികള് സ്വീകരിച്ചതായി ആരോഗ്യമന്ത്രി വീണ ജോര്ജ് അറിയിച്ചു. വയനാടിലുള്ള ഫോറന്സിക് സംഘത്തെ കൂടാതെ കോഴിക്കോട് നിന്നുള്ള ഫോറന്സിക് ഡോക്ടര്മാരുടെ പ്രത്യേക സംഘത്തെ കൂടി നടപടികള് വേഗത്തിലാക്കാന് നിയോഗിച്ചിട്ടുണ്ടെന്നും മന്ത്രി പറഞ്ഞു.
Discussion about this post