കല്പ്പറ്റ: അതിശക്തമായ മഴയില് വയനാട്ടില് രണ്ടിടത്ത് ഉരുള് പൊട്ടല്. മേപ്പാടി മുണ്ടക്കൈ ടൗണിലും ചൂരല്മലയിലുമാണ് വന് ഉരുള്പൊട്ടല് ഉണ്ടായത്.
ഉരുള്പൊട്ടലില് ഏഴുപേര് മരിച്ചതായാണ് റിപ്പോര്ട്ടുകള്. മുണ്ടക്കൈ ടൗണില് പുലര്ച്ചെ ഒരു മണിയോടെയാണ് ആദ്യ ഉരുള്പൊട്ടലുണ്ടായത്. ഇവിടെ രക്ഷാപ്രവര്ത്തനം നടക്കുന്നതിനിടെ നാലു മണിയോടെ ചൂരല്മല സ്കൂളിനു സമീപവും ഉരുള്പൊട്ടലുണ്ടായി.
വൈത്തിരി താലൂക്ക്, വെള്ളേരിമല വില്ലേജ്, മേപ്പാടി പഞ്ചായത്തിലായിട്ടാണ് ഉരുള് പൊട്ടിയത്. രാവിലെ ആറു മണിയോടെ മൂന്നാമതും ഉരുള്പൊട്ടലുണ്ടായി. നിരവധിപേര് പ്രദേശത്ത് കുടുങ്ങിക്കിടക്കുന്നതായാണ് വിവരം.
നിരവധി പേര്ക്ക് പരിക്കേറ്റിട്ടുണ്ട്. മേഖലയില് നാനൂറോളം കുടുംബങ്ങള് ഒറ്റപ്പെട്ടതായാണ് വിവരം. നിരവധി വാഹനങ്ങളും ചൂരല്മല-മുണ്ടക്കൈ റോഡും ഒലിച്ചുപോയി.
അതേസമയെ, കോഴിക്കാട് ജില്ലയില് നാലിടത്ത് ഉരുള്പൊട്ടലുണ്ടായി. മഞ്ഞച്ചീളി, മാടഞ്ചേരി, പാനോം ഭാഗങ്ങളിലാണ് ഉരുള്പ്പൊട്ടലുണ്ടായത്. മഞ്ഞച്ചീളിയില് ഒട്ടേറെ വീടുകളും കടകളും തകര്ന്നു.
Discussion about this post