കോട്ടയം: ശബരിമലയില്‍ പ്രായഭേദമന്യേ സ്ത്രീകളെ പ്രവേശിപ്പിക്കാനുള്ള കോടതി ഉത്തരവിനെതിരെ വിവിധ കേരള കോണ്‍ഗ്രസുകള്‍ ഇന്ന് കോട്ടയത്ത് സര്‍വ്വമതപ്രാര്‍ത്ഥനയും ഉപവാസവും നടത്തും. കേരളകോണ്‍ഗ്രസിന്റ 55-ാം ജന്മദിനാചരണത്തിന്റ ഭാഗമായാണ് പരിപാടി.
കോട്ടയം നഗരത്തില്‍ കേരള കോണ്‍ഗ്രസ് എമ്മിന്റ നേതൃത്വത്തില്‍ നടക്കുന്ന സര്‍വ്വമത പ്രാര്‍ത്ഥനക്ക് കെഎം മാണി എംഎല്‍എ നേതൃത്വം നല്‍കും. കേരള കോണ്‍ഗ്രസ് ജേക്കബ് വിഭാഗവും നഗരത്തില്‍ പ്രകടനം നടത്തും. എരുമേലിയില്‍ പിസി ജോര്‍ജിന്റ നേതൃത്വത്തിലാണ് ഉപവാസവും പ്രാര്‍ത്ഥനയും.