പാലക്കാട്: പാലക്കാട് ഓട്ടോറിക്ഷ ഇലക്ട്രിക്ക് പോസ്റ്റില്‍ ഇടിച്ച് മറിഞ്ഞുണ്ടായ അപകടത്തില്‍ മൂന്ന് പേര്‍ക്ക് പരിക്ക്. കപ്പൂര്‍ കാഞ്ഞിരത്താണി കൊഴിക്കര റോഡിലാണ് അപകടം.
നിയന്ത്രണം വിട്ട ഓട്ടോ പോസ്റ്റില്‍ ഇടിച്ച് മറിയുകയായിരുന്നു. പരിക്കേറ്റവരില്‍ കൂടല്ലൂര്‍ സ്വദേശിനി സതീദേവിയുടെ നില ഗുരുതരമാണെന്നാണ് വിവരം. സതീദേവിയെ തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.
also read:സ്‌കൂട്ടറും ലോറിയും തമ്മില്‍ കൂട്ടിയിടിച്ച് അപകടം; എസ്എഫ്‌ഐ വനിതാനേതാവിന് ദാരുണാന്ത്യം
കുറ്റിപ്പുറം ഭാഗത്ത് നിന്നും വരികയായിരുന്ന ഓട്ടോറിക്ഷയാണ് അപകടത്തില്‍ പെട്ടത്. ഓട്ടോറിക്ഷയുടെ മുന്‍ഭാഗം അപകടത്തില്‍ പൂര്‍ണമായും തകര്‍ന്നു. നാട്ടുകാരും പൊലീസും ചേര്‍ന്ന് രക്ഷാപ്രവര്‍ത്തനം നടത്തി.