തിരുവനന്തപുരം: അമ്മയേയും മകളെയും വീട്ടിനുള്ളില് മരിച്ച നിലയില് കണ്ടെത്തി. തിരുവനന്തപുരം ജില്ലയിലെ പാലോട് പേരയം ചെല്ലഞ്ചിയിലാണ് സംഭവം.
ചല്ലഞ്ചി ഗീതാലയത്തില് സുപ്രഭ (88), ഗീത (59) എന്നിവരെയാണ് മരിച്ച നിലയില് കണ്ടെത്തിയത്. ഇന്നു രാവിലെ എട്ടരയോടെയാണ് ഇരുവരെയും മരിച്ച നിലയില് കണ്ടെത്തിയത്.
ഗീതയുടെ മൃതദേഹം വീടിന്റെ ഹാളിലും സുപ്രഭയുടെ മൃതദേഹം മുറിക്ക് ഉള്ളിലുമാണ് കണ്ടെത്തിയത്. ഇരുവരും അമിതമായി ഗുളിക കഴിച്ചതാണ് മരണകാരണമെന്നാണ് പ്രാഥമിക നിഗമനം.
ഇവരുടെ 12 സെന്റ് വസ്തുവുമായി ബന്ധപ്പെട്ട് സിവില് കേസില് മൂന്നു ദിവസം മുന്പ് വന്ന വിധി ഇവര്ക്ക് പ്രതികൂലമായിരുന്നു. പിന്നാലെ ഇരുവരും മാനസിക സമ്മര്ദ്ദത്തെ തുടര്ന്ന് ജീവനൊടുക്കുകയായിരുന്നുവെന്നാണു ബന്ധുക്കള് പറയുന്നത്.
സംഭവം നടക്കുമ്പോള് ഗീതയുടെ ഭര്ത്താവ് വത്സലന് വീട്ടില് ഉണ്ടായിരുന്നു. പാലോട് പൊലീസ് സ്ഥലത്തെത്തി പരിശോധന നടത്തി.