കോഴിക്കോട്: സ്വകാര്യ ബസ് മറിഞ്ഞുണ്ടായ അപകടത്തില്‍ നിരവധി പേര്‍ക്ക് പരിക്ക്. കോഴിക്കോട് ജില്ലയിലെ എലത്തൂരിലാണ് സംഭവം. ഇന്ന് രാവിലെ എട്ട് മണിയോടെയാണ് അപകടമുണ്ടായത്.
പരിക്കേറ്റവരെ മെഡിക്കല്‍ കോളജ് അടക്കമുള്ള വിവിധ ആശുപത്രികളില്‍ പ്രവേശിപ്പിച്ചിരിക്കുകയാണ്. എന്നാല്‍ ആരുടെയും പരിക്ക് ഗുരുതരമല്ലെന്നാണ് വിവരം.
പരിക്കേറ്റവരില്‍ വിദ്യാര്‍ഥികളുമുണ്ട്. വടകരയില്‍ നിന്നു കോഴിക്കോട്ടേക്ക് വരികയായിരുന്ന ബസാണ് അപകടത്തില്‍പ്പെട്ടത്. ടിപ്പര്‍ ലോറിയില്‍ ഇടിച്ച് നിയന്ത്രണം വിട്ട ബസ് മറിയുകയായിരുന്നു.
അതേസമയം, ബസ്സിന്റെ അമിത വേഗമാണ് അപകടത്തിനിടയാക്കിയത്. മഴ പെയ്യുന്നതിനാല്‍ റോഡിലെ തെന്നലും അപകടത്തിന് കാരണമായി. അഗ്‌നിരക്ഷാ സേന യൂനിറ്റുകളും പോലീസും നാട്ടുകാരും രക്ഷാപ്രവര്‍ത്തനത്തിനായി രംഗത്തുണ്ട്.