അശ്രദ്ധമായി ഇരുചക്രവാഹനം ഓടിച്ചു; ഭാരതീയ ന്യായസംഹിത പ്രകാരമുള്ള ആദ്യ കേസ് കൊണ്ടോട്ടിയിൽ രജിസ്റ്റർ ചെയ്തു

മലപ്പുറം: രാജ്യത്ത് പുതുതായി നിലവിൽ വന്ന ഭാരതീയ ന്യായസംഹിത പ്രകാരമുള്ള സംസ്ഥാനത്തെ ആദ്യത്തെ കേസ് മലപ്പുറത്ത് രജിസ്റ്റർ ചെയ്തു. ഭാരതീയ ന്യായസംഹിത പ്രകാരം ഇന്നു വെളുപ്പിന് 12:20 ന് ആണ് എഫ് ഐ ആർ മലപ്പുറം ജില്ലയിലെ കൊണ്ടോട്ടി പോലീസ് സ്റ്റേഷനിൽ രജിസ്റ്റർ ചെയ്തത്. ഇരുചക്ര വാഹന ഉടമയ്ക്ക് എതിരെയാണ് കേസ്.

അശ്രദ്ധമായും മനുഷ്യജീവന് അപകടം വരുത്തുന്ന രീതിയിലും ഇരുചക്രവാഹനം ഓടിച്ചതിന് കൊണ്ടോട്ടി പോലീസ് സ്വമേധയാ കേസ് രജിസ്റ്റർ ചെയ്യുകയായിരുന്നു. ഭാരതീയ ന്യായസംഹിത 2023 ലെ വകുപ്പ് 281, മോട്ടോർ വെഹിക്കിൾ ആക്ട് 1988 ലെ വകുപ്പ് 194 ഡി എന്നിവ ചുമത്തിയാണ് എഫ്‌ഐആർ രജിസ്റ്റർ ചെയ്തത്.

ALSO READ-ബിഗ് ബോസ് വിജയി ജിന്റോ സിനിമയിലേക്ക്; ബാദുഷാ പ്രൊഡക്ഷൻസിന്റെ ചിത്രത്തിൽ നായകൻ

പുതുതായി നിലവിൽ വന്ന ഭാരതീയ നാഗരിക സുരക്ഷാസംഹിതയിലെ വകുപ്പ് 173 പ്രകാരമാണ് എഫ്‌ഐആർ തയ്യാറാക്കിയത്.