മലപ്പുറം: തിരൂര് റെയില്വേ സ്റ്റേഷന് സിറ്റി ജംഗ്ഷന് റോഡില് വച്ച് 12 കിലോയോളം കഞ്ചാവുമായി രണ്ട് സ്ത്രീകള് ഉള്പ്പെടെ മൂന്ന് പേര് പിടിയില്. ഇതര സംസ്ഥാനങ്ങളില് നിന്നും കേരളത്തിലേക്ക് കഞ്ചാവ് കടത്തുന്നവരാണ് പിടിയിലായത്.
ബംഗാള് സ്വദേശികളായ പാറുല് ബീവി (38 വയസ്സ് ), അര്ജുന ബീവി (44 വയസ്സ് ) എന്നിവരെ തിരൂര് എക്സൈസ് സര്ക്കിള് ഇന്സ്പെക്ടര് അജയന്റെ നേതൃത്വത്തിലാണ് അറസ്റ്റ് ചെയ്തത്. ആവശ്യക്കാരെ കണ്ടെത്തി ചില്ലറ കച്ചവടക്കാര്ക്ക് കഞ്ചാവ് എത്തിച്ചു നല്കിയിരുന്ന തിരൂരങ്ങാടി തെന്നല സ്വദേശി റഫീഖിനെയും (38 വയസ്സ് ) അറസ്റ്റ് ചെയ്തു. ലഹരിക്കടത്തില് ഉള്പ്പെട്ടിട്ടുള്ള കൂടുതല് ആളുകളെക്കുറിച്ച് അന്വേഷണം ആരംഭിച്ചിട്ടുണ്ടെന്നും എക്സൈസ് അറിയിച്ചു.