ആലപ്പുഴ: ആലപ്പുഴ ജില്ലയിലെ വള്ളികുന്നത്തുനിന്നു സൈനിക റിക്രൂട്ട്‌മെന്റിനു പോയ യുവാക്കൾ സഞ്ചരിച്ച കാർ അപകടത്തിൽപ്പെട്ടു. ഒരാൾ മരിച്ചു. ഇലിപ്പക്കുളം സോപാനത്തിൽ ആദിത്യനാണ് (അപ്പു20) മരിച്ചത്. ഒപ്പമുണ്ടായിരുന്ന 2 യുവാക്കളെ പരുക്കുകളോടെ ആശുപത്രിയിൽ പ്രവേശിപ്പിച്ചിരിക്കുകയാണ്.
ഇന്നലെയായിരുന്നു ആന്ധ്രപ്രദേശിലെ ചിറ്റൂരിൽ വെച്ച് കാർ അപകടത്തിൽപ്പെട്ടത്. സൈനിക റിക്രൂട്ട്‌മെന്റിനായി ഊട്ടിയിൽ പോയ യുവാക്കൾ അവിടെനിന്ന് ആന്ധ്രയിലേക്കു പോവുന്ന വഴിയാണ് അപകടത്തിൽപ്പെട്ടത്.
കാർ ഓവർടേക്ക് ചെയ്യുന്നതിനിടെ മുന്നിലെ വാഹനത്തിലിടിച്ച് കാർ നിയന്ത്രണം വിട്ട് മറിഞ്ഞായിരുന്നു അപകടം സംഭവിച്ചത്.
Discussion about this post