കണ്ണൂര്‍: കാര്‍ നിര്‍ത്തി പുറത്തിറങ്ങവെ മറ്റൊരു കാര്‍ ഇടിച്ച് തെറിപ്പിച്ച് യുവാവിന് ദാരുണാന്ത്യം. തലശ്ശേരി-മാഹി ബൈപ്പാസിലുണ്ടായ അപകടത്തില്‍ കരിയാട് സ്വദേശി നസീര്‍ ആണ് മരിച്ചത്. കാര്‍ നിര്‍ത്തി പുറത്തിറങ്ങിയപ്പോള്‍ മറ്റൊരു കാര്‍ നസീറിനെ ഇടിച്ച്
തെറിപ്പിക്കുകയായിരുന്നു.
താഴെ സര്‍വീസ് റോഡിലേക്ക് തലയിടിച്ച് വീണ നസീറിനെ ഉടന്‍ തന്നെ തലശ്ശേരിയിലെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. തലശ്ശേരി-മാഹി ബൈപ്പാസില്‍ കവിയൂര്‍ അടിപ്പാതക്ക് മുകളില്‍ ഇന്നലെ രാത്രി ഒമ്പത് മണിയോടെയാണ് അപകടമുണ്ടായത്.
മാഹി ഭാഗത്തേക്ക് രണ്ട് സുഹൃത്തുക്കള്‍ക്കൊപ്പം കാറില്‍ വരുകയായിരുന്നു നസീര്‍. ഇതിനിടെ കവിയൂര്‍ അടിപ്പാതയ്ക്ക് മുകളില്‍ എത്തിയപ്പോള്‍ കാര്‍ നിര്‍ത്തി പുറത്തിറങ്ങുകയായിരുന്നു. ഇതിനിടെയാണ് മറ്റൊരു കാര്‍ വന്ന് ഇടിച്ചുതെറിപ്പിച്ചത്.