പത്തനംതിട്ട: കനത്ത മഴ തുടരുന്ന സാഹചര്യത്തില് നാളെ പത്തനംതിട്ടയിലെയും വയനാട്ടിലെയും വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു. അങ്കണവാടി മുതല് പ്രൊഫഷണല് കോളജുകള് ഉള്പ്പടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധിയായിരിക്കും.
അതേസമയം, മുന് നിശ്ചയിച്ച പ്രകാരമുള്ള പൊതു പരീക്ഷകള്ക്കും യൂണിവേഴ്സിറ്റി പരീക്ഷകള്ക്കും മാറ്റം ഉണ്ടായിരിക്കില്ല. പത്തനംതിട്ട ജില്ലയുടെ വിവിധ ഭാഗങ്ങളില് രണ്ട് ദിവസമായി ശക്തമായ മഴ പെയ്തുകൊണ്ടിരിക്കുകയാണ്.
മഴ തുടരുന്ന സാഹചര്യത്തില് ജില്ലയില് നാളെ ഓറഞ്ച് അലര്ട്ട് പ്രഖ്യാപിച്ചിരിക്കുകയാണ്. നേരത്തെ ജില്ലയില് രാത്രിയാത്രയ്ക്ക് നിരോധനം ഏര്പ്പെടുത്തിയിരുന്നു.
26 മുതല് ജൂണ് 30 വരെ രാത്രി 7.00 മുതല് രാവിലെ 6.00 വരെ ജില്ലയിലെ എല്ലാ മലയോര മേഖലകളിലേക്കുമുള്ള യാത്രകളും നിരോധിച്ചു. തൊഴിലുറപ്പ് ജോലികള്, വിനോദ സഞ്ചാരത്തിനായുള്ള കയാക്കിങ്/കുട്ട വഞ്ചി സവാരി, ബോട്ടിംഗ് ,ട്രക്കിംഗ് എന്നിവയും നിരോധിച്ചിട്ടുണ്ട്.
Discussion about this post