കോട്ടയം: ചിങ്ങവനം പോലീസ് സ്റ്റേഷനില്‍ പോലീസുകാര്‍ തമ്മില്‍തല്ല്. സംഭവത്തില്‍ സിവില്‍ പോലീസ് ഓഫീസര്‍മാരായ സുധീഷ്, ബോസ്‌കോ എന്നിവരെ സസ്‌പെന്റ് ചെയ്തു. ജില്ലാ പോലീസ് മേധാവിയുടെതാണ് നടപടി. ചങ്ങനാശ്ശേരി ഡിവൈഎസ്പിയുടെ പ്രാഥമിക റിപ്പോര്‍ട്ടിന്റെ അടിസ്ഥാനത്തിലാണ് നടപടി എടുത്തത്.
ഇന്ന് ഉച്ചയ്ക്കാണ് സംഭവം. പോലീസ് സ്റ്റേഷനുള്ളില്‍ വച്ച് രണ്ട് പോലീസുകാര്‍ തമ്മില്‍ സംഘര്‍ഷം ഉണ്ടാവുകയായിരുന്നു. ബൈക്ക് പാര്‍ക്ക് ചെയ്യുന്നതിനെ ചൊല്ലിയുള്ള തര്‍ക്കമാണ് സംഘര്‍ഷത്തില്‍ കലാശിച്ചത്.
തമ്മിലടിയില്‍ പോലീസുകാരനായ ബോസ്‌കോയുടെ തലയ്ക്ക് പരിക്കേറ്റിരുന്നു. ഇയാള്‍ കുറിച്ചി ഗവണ്‍മെന്റ് ആശുപത്രിയില്‍ ചികിത്സയിലാണ്. മുമ്പും പലതവണ ഇരുവരും തമ്മില്‍ സ്റ്റേഷനില്‍ വച്ച് തര്‍ക്കം ഉണ്ടായിട്ടുണ്ടെന്നാണ് വിവരം.