കോഴിക്കോട്: കർണാടകയിൽ നിന്നും കെഎസ്ആർടിസി ബസിൽ നാട്ടിലേക്ക് വരുന്നതിനിടെ തളർന്നുവീണ് യുവാവ് മരിച്ചു. കോഴിക്കോട് കുന്നമംഗലം സ്വദേശിയായ യുവാവാണ് മരിച്ചത്. കുന്നമംഗലം ഇരുമ്പിടം കണ്ടിയിൽ വിജിത്ത് (36) ആണ് മരിച്ചത്.
ബംഗളൂരുവിൽ എസ്ബിഐ ലീഗൽ അഡൈ്വസറായ വിജിത്ത് കെഎസ്ആർടിസി ഗരുഡ ബസിൽ നാട്ടിലേക്ക് തിരിച്ചതായിരുന്നു. ബസ് താമരശ്ശേരിക്ക് അടുത്ത് ത്തിയപ്പോൾ കുഴഞ്ഞ് വീഴുകയായിരുന്നു.
ഉടനെ ബസിൽതന്നെ താമരശേരി താലൂക്ക് ആശുപത്രിയിൽ എത്തിച്ച് പ്രാഥമിക ചികിത്സ നൽകുകയും, തുടർന്ന് 108 ആംബുലൻസിൽ ഡോക്ടറുടെയും നേഴ്സിന്റെയും സാന്നിധ്യത്തിൽ കോഴിക്കോട് മെഡിക്കൽ കോളേജ് ആശുപത്രിയിലേക്ക് എത്തിച്ചെങ്കിലും ജീവൻരക്ഷിക്കാനായില്ല.