ഹരിപ്പാട്: വാഹനാപകടത്തെ തുടര്‍ന്ന് ആശുപത്രിയില്‍ ചികിത്സയിലായിരുന്ന മദ്രസാ അധ്യാപകന്‍ മരിച്ചു. ഹരിപ്പാട് മുട്ടം മടവൂര്‍ സ്വദേശി മുഹമ്മദ് ഷെരീഫ് മുസ്ലിയാര്‍ ആണ് മരിച്ചത്. ഞായറാഴ്ച രാവിലെ 7 മണിക്ക് ആലപ്പുഴ കൈതവനയില്‍ വെച്ച് ഇദ്ദേഹം സഞ്ചരിച്ചിരുന്ന ബൈക്കും, എതിരെ വന്ന കാറുമായി കൂട്ടിയിടിച്ചുമാണ് അപകടമുണ്ടായത്.
അതേസമയം അദ്ദേഹം ഹെല്‍മെറ്റ് ധരിച്ചെങ്കിലും ഹെല്‍മെറ്റിന്റെ ക്ലിപ്പ് ഇട്ടിരുന്നില്ല. തുടര്‍ന്ന് ഹെല്‍മെറ്റ് തലയില്‍ നിന്നും തെറിച്ചു പോകുകയും ഗുരുതരമായി തലക്ക് ക്ഷതമേല്‍ക്കുകയും ചെയ്തിരുന്നു. ബോധരഹിതനായ നിലയിലാണ് വണ്ടാനം മെഡിക്കല്‍ കോളേജില്‍ എത്തിച്ചത്. തുടര്‍ന്ന് മരണം സംഭവിക്കുകയായിരുന്നു.
Discussion about this post