തിരുവനന്തപുരത്തും ആലപ്പുഴയിലും എൻഡിഎയ്ക്ക് ലീഡ്. തൃശൂരിൽ സുരേഷ് ഗോപിയും ലീഡ് ചെയ്യുന്നു. ആലപ്പുഴയിൽ ശോഭ സുരേന്ദ്രൻ 300 വോട്ടുകൾക്കാണ് ലീഡ് ചെയ്യുന്നത്. തിരുവനന്തപുരത്ത് രാജീവ് ചന്ദ്രശേഖറാണ് ലീഡ് നേടിയിരിക്കുന്നത്. ഇവിഎം വോട്ടുകൾ എണ്ണിത്തുടങ്ങിയ ആദ്യഘട്ടത്തിലാണ് ലീഡ്.
ഇടുക്കിയിൽ യുഡിഎഫ് സ്ഥാനാർഥി ഡീൻ കുര്യാക്കോസ് ലീഡ് ചെയ്യുകയാണ്. നിലവിൽ ഡീനിന്റെ ലീഡ് നില 5000 കടന്നിരിക്കുകയാണ്.
ദേശീയ തലത്തിൽ എൻഡിഎയ്ക്കാണ് മുൻതൂക്കം. തമിഴ്‌നാട്ടിൽ ഇന്ത്യ മുന്നണിക്ക് മുന്നേറ്റമുണ്ടായപ്പോൾ തൊട്ടടുത്ത സംസ്ഥാനമായ കർണാടകയിൽ എൻഡിഎയാണ് മുന്നിൽ. അതേസമയം, യുപിയിലും ബിഹാറിലും എൻഡിഎ ലീഡ് തുടരുകയാണ്.
രണ്ട് മണ്ഡലങ്ങളിൽ മത്സരിച്ച രാഹുൽ ഗാന്ധി രണ്ടിടത്തും ലീഡ് ചെയ്യുകയാണ്. വയനാട് മണ്ഡലത്തിലും റായ്ബറേലി മണ്ഡലത്തിലുമാണ് രാഹുൽ ജനവിധി തേടിയത്. രണ്ടിടത്തും ലീഡ് നേടിയത് കോൺഗ്രസിന് വലിയ ആശ്വാസമാവുകയാണ്.
Discussion about this post