തൃശ്ശൂര്‍: കാട്ടാനയുടെ ആക്രമണത്തില്‍ യുവാവിന് ദാരുണാന്ത്യം. തമിഴ്നാട് വാല്‍പ്പാറയിലാണ് സംഭവം. വാല്‍പ്പാറയ്ക്കടുത്ത് പുതുക്കാട് സ്വദേശി മുകേഷ് ആണ് മരിച്ചത്. പതിനെട്ട് വയസ്സായിരുന്നു.
മുകേഷ് ബൈക്കില്‍ യാത്ര ചെയ്യുന്നതിനിടെ ആന ആക്രമിക്കുകയായിരുന്നു. ഗുരുതരമായി പരിക്കേറ്റ യുവാവിനെ ഉടനെ വാല്‍പ്പാറ സര്‍ക്കാര്‍ ആശുപത്രിയിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
കോയമ്പത്തൂരില സ്വകാര്യ കോളജിലെ ഡിഗ്രി വിദ്യാര്‍ഥിയാണ്. മുകേഷിന്റെ മരണം നാടിനെയും ബന്ധുക്കളെയും ഉറ്റവരെയും സുഹൃത്തുക്കളെയുമെല്ലാം നടുക്കിയിരിക്കുകയാണ്.