ബംഗളൂരു: ബംഗളൂരൂവില്‍ കെട്ടിടത്തില്‍ നിന്നും വീണ് മലയാളി വിദ്യാര്‍ത്ഥിനി മരിച്ച നിലയില്‍. വയനാട് മാനന്തവാടി വെള്ളമുണ്ട മലമ്പുറത്ത് ചാക്കോയുടെ മകള്‍ ലിസ്‌ന ആണു മരിച്ചത്. 20 വയസ്സായിരുന്നു.
മാനന്തവാടി മലബാര്‍ ഇന്‍സ്റ്റിറ്റ്യൂട്ടില്‍ ബിബിഎ അവസാന വര്‍ഷ വിദ്യാര്‍ഥിയാണ്. ഒരു മാസം മുമ്പ് ഇന്റേണ്‍ഷിപ്പിനായാണ് ലിസ്‌ന ബംഗളൂരുവില്‍ എത്തിയത്.
ലിസ്‌ന ഹൊസ്‌കോട്ടയില്‍ താമസിച്ചിരുന്ന കെട്ടിടത്തിന്റെ മൂന്നാം നിലയില്‍ നിന്നാണ് വീണത്. ഉടനെ ആശുപത്രിയില്‍ എത്തിച്ചെങ്കിലും ചികിത്സയിലിരിക്കെ രാത്രിയോടെ മരിക്കുകയായിരുന്നു.
ഇന്റേണ്‍ഷിപ്പിന് ഒരു മാസം മുന്‍പാണ് ബംഗളൂരുവില്‍ എത്തിയത്. സംസ്‌കാരം ഇന്ന് 9നു പുളിഞ്ഞാല്‍ ക്രിസ്തുരാജ പള്ളിയില്‍. മാതാവ്: ലില്ലി. സഹോദരി: ലിന്‍സ.