കൊച്ചി: മഴ ആരംഭിച്ചതോടെ കൊച്ചി നഗരം വെള്ളത്തിൽ മുങ്ങിയിരിക്കുകയാണ്. സാധാരണ മഴ പെയ്താൽ തന്നെ വെള്ളക്കെട്ടാവുന്ന നഗരത്തിൽ ശക്തമായ മഴ പെയ്തതോടെ പുറത്തിറങ്ങാനാകാത്ത അവസ്ഥയിലാണ് ജനങ്ങൾ. ഇപ്പോഴിതാ ഈ വെള്ളക്കെട്ടിൽ രൂക്ഷമായി പ്രതികരിച്ച് നടിയും നർത്തകിയുമായ കൃഷ്ണപ്രഭ രംഗത്തെത്തിയിരിക്കുകയാണ്.
ആര് ഭരിച്ചാലും ഒരു മാറ്റവും വരില്ലെന്നും വർഷങ്ങളായി ഈ അവസ്ഥയ്ക്ക് ഒരു മാറ്റമില്ലാത്തത് കുറച്ച് കഷ്ടം തന്നെയാണെന്നും താരം പറയുന്നു.
കൃഷ്ണപ്രഭയുടെ കുറിപ്പ്:
ബഹുമാനപ്പെട്ട അധികാരികളോട്, കൊച്ചിയിൽ പലയിടത്തും റോഡുകളിൽ മുഴുവനും വെള്ളമായതുകൊണ്ട് സാധാ മെട്രോയും വാട്ടർ മെട്രോയും തമ്മിൽ എത്രയും പെട്ടന്ന് ബന്ധിപ്പിക്കണം! മെട്രോ സ്റ്റേഷനുകളിൽ എത്താൻ വേണ്ടി വാട്ടർ മെട്രോയുടെ സൗകര്യം ഒരുക്കണമെന്ന് താഴ്മയായി അപേക്ഷിക്കുന്നു. അല്ലെങ്കിൽ സബ്‌സിഡി വഴി ലഭ്യമാകുന്ന രീതിയിൽ ‘ഓരോ വീട്ടിൽ ഓരോ ബോട്ട്’ എന്ന പദ്ധതി ഉടനെ ആരംഭിക്കണം.. വർഷങ്ങളായി ഈ അവസ്ഥയ്ക്ക് ഒരു മാറ്റമില്ലാത്തത് കുറച്ച് കഷ്ടം തന്നെ.. ആര് ഭരിച്ചാലും ഇതിനൊരു മാറ്റം വരുമെന്ന് തോന്നുന്നില്ല.. നമ്മുടെ വിധി! അല്ലാതെ എന്ത് പറയാനാണ്
Discussion about this post